ماني مطول .. بس انا عندي كلام ..
باقول هرج .. مختصر .. واهدي السلام ..
وأرجع اجر الهم .. واذيال الظلام ..
وانتي لك الفرحه ونورٍ من سنا !!
انا عشقتك والغلا ما هو حرام ..
والحب من طبع الرجاجيل الكرام ..
كمٍ شريفٍ غاص في بحر الغرام ..
أحدٍ غريق .. واحدٍ غاص وجنا !!
لا يغرك اللي مالي سمعك نفاق ..
ولا يغرك اللي غايته منك العناق ..
وإن كان لزمتوا على كلمة فراق ..
روحوا عساكم .. ما تشوفون العنا ؟
انتي زهيتي بالعيون المغرمه
وإلا ترى كم بنت شيخٍ مكرمه
خدٍ وسيم .. وساق جلٍ مبرمه
ورمشٍ ليا سلهم جلب .. موت وفنا !!
كنتي لي البسمه .. ولي غيمة حنان ..
وكنتي لي الهاجس .. ولي همسٍ وأمان ..
وهالحين قلبي مندهش .. فجعة زمان ؟
من يوم صرتي خائفه من حبنا !!
لكن انا بخبرك في علمٍ أكيد
واقول لك هرج .. من جروح وقصيد ..
ما دام راسك صاير .. قاسي عنيد ..
وما اطاوع فيه كلام .. أهل الخنا ؟؟
هم عندهم عادي ترى نقض العهود ..
الله يجازيهم مثل عاد وثمود ..
وإلا انا ما طيع فيك هرج الحسود ..
احفظ مواثيق الهواء مهما قست ..
لو كانت همومي على قلبي رست ..
واصبر واقول يمكن حياتي ما نست ..
واكذب على نفسي واصدق كذبنا !؟!!
ياكبر حظي بك .. ويا كبر العطاء ..
من كثر جياتك غدى دربك شعاع ..
وغنى على راسي .. غرابي .. والضياع
وابحرت في بحر الأسى طاوي الشراع ...
ما عاد نفرق .. بأي ساحل حطنا ..!!
أيام كنا اطفال نلعب بالتراب ..
ونركض نبي نلحق من الغفله سراب ..
وأقول ذا مالح .. وتقول لي شــراب ..
وراهنك وافوز برهانك .. أنا !

كنا نقول الشمس .. والقمراء خبول ..
هو ليه كلٍ عايشٍ وحده يجول ..!
ليه القمر ما يحب ذا الشمس الخجول ..
ويعيش كلٍ مع حبيبه في .. هنا ..!!
قالو لنا الشيبان يالله المدرسه ..
واخذنا الحقايب بالدفاتر مترسه ..
بعد ما كنا من يشع الصباح ..
نسرح ولا نرجع سوا وقت المراح ..
نركض نلعب ورجلينا .. بها طق وجراح ..
حافين نركض بس منهو قدنا ..!!
سرنا على ذا الحال والساعه تدور ..
والوقت يسرق مننا سن القصور ..
حتى عرفنا بالتبرج والسفور ..
وقالوا لي اهلك .. لا توجه .. لمنا ..!!
وغبتي مثل شمسٍ .. لها وقت للمغيب ..
وبقيت أنا والليل والجرح العطيب ..
عايش مع العالم .. انا كني غريب ..
والجرح ينزف .. والحزن وطى ..بنا !!
واجهشت اجر الآه ودموعي تسيل ..
مثل اليتيم اللى بلا زاد ومقيل ..
والناس ما يدرون وش فيني عليل ..
وغديت مثل اللي ملك موته .. دنا !!
أنا حبيبك لا تظنيني اني نسيت ..
والله من غبتي ولا ساعة سليت ..
ابيع عمري .. بس قولي ! وش جنيت
والا لقيتي منهو احسن مننا !!!
كانك لقيتي جعل دنياكم فرح ...
والله يهني خلٍ لخله جرح ..
وليته لفظ روحه .. وريح .. واستراح ..
حبنٍ يولعني .. برقٍ ما دنا !!
وكانك على وعدك تقاسين الحنين ..
ولا خش راسك هرج ناسٍ حاقدين ..
ولا عاش رجلٍ ..مازرع ..زرع ..وجنا !!
وذا لحين انا ماشي وبكره ردي .. لي
ابغى جوابٍ مثل ذا خطي ملي ..
مشان انا اعرف وش على وش الي ..
والله بحاجه يكتب الخيره ..لنا !!