بديت أحبه وحبه يسكن بوجداني
بديت أحبه وأوله عليه وأشتاق

بديت أحبه وحبه له طعم ثاني
بدأ القلب يهواه وينبض له الخفاق

بديت أحبه من يوم شفته وجاني
يوم نظرته اهتزت لها الأعماق

يوم الحياء امتلكني وعقد لساني
وفكري وراء الخيال رحل وإنساق

نسيت الحكي وهو بعد نساني
وفكري من وهم الخجل مافاق

هويته وهو مثلي صار يهواني
وقال إن مثلي بالبشر ما لاق

بديت أحبه يوم ميزني وأغلاني
عن كل البشر بزين الوصف والأخلاق

بديت أحبه وأنعته بأغلى خلاني
ياللي كوى القلب حبه وأحرقه إحراق

من عرفته اعتلى قدري وشاني
أرعدت سماي بحبه وأبرقت إبراق

ذوقني المحبة وهناني ومناني
المحبة معه طعمها حلو المذاق

عسى ربي يخليه نور أعياني
أنا ترا إن جيت أمدحه ما تكفيني الأوراق