يستحـــق التقديــــــــر
السلام عليكم ورحمة الله وبركاته
بصراحه موضوع مهم حبيت ان اطرحه لكم لاني مهم جدا جدا جدا ،
الى الاعضاء الكرام ، اسعد الله اوقاتكم ،
اسمحولي لي ان اطرح لكم موضوع خاص بالاعضاء والسلبيات الي نمتلكها
النقطه الاولى
للأسف الشديد لقد دخلت المنتدى وبعد غياب طويل زيما انتم عارفين انا بقيت مشغول وحتى لا انكر عليكم انا مسؤل عن اثنين من المنتديات ، ما علينا لاحظت كثيراً ان بعض الاعضاء عندماً يحب ان يطرح لنا موضوع يزخرفه ويلونه وينشىء منه موضوعاً مميزاً ، بس كل ده مش مهم المهم انه من كتب الموضوع عايز انا اعرف ليه بعض الاعضاء عندما يكتبون الموضوع ميكتبوش كلمه " منقول " انا قد تكلمت في موضوع الاخ اسير عن هذه النقطة بس الظاهر انه مفيش حد قرأ الرد بتاعي فقلت انزل النقطه ديه على شكل موضوع حتى نتناقش في هذه النقطه المهمه ونعرف ليه الاعضاء عندما ينقلون الموضوع لا يكتبون تحته " منقول " يعني ينسبونه لأنفسهم وده غلط يا جماعة ميصحش انه الواحد ينسب مواضيع الغير لنفسه ، طيب هقولكم انا افترضوا انكم كتاب مميزين وتكتبون في منتديات بأقلامكم ومجهوداتكم وتذهبون الى منتديات اخرى وترون مواضيعكم مطروحه من قبل شخص اخر ايه هيكون ردة فعلكم اكيد هتشعرون بالغيض لانكم كتبتم الموضوع وسهرتهم واتعبتم نفسكم بالتفكير وفي الاخير يأتي شخص وينقل الموضوع بتاعكم وينسبه الى نفسه ، ده حرام يا جماعة ليه كده طيب انا مش عارف اقولكم ايه بس شوفوا مواضيعي كلها منقوله وابين ذلك في اسفل الموضوع لانه ده حق انا لم اكتب المواضيع السابقه انا نقلتها وبينت ذلك علشان ديه حقوق عارفين معنى كلمه حقوق ، طيب كويس انا بقا يا جماعة عايز اقولكم انه مينفعش كده والله انت لو عايز تكون عضو مميز ويفتخر الجميع بك او بكي حاول انت تكتب الموضوع بنفسك وحاول الا تنقل المواضيع ، انا عارف انه الموضوع يحتاج مننا ايام حتى نكتبه ويمكن قد يحتاج منا لأسابيع لانه الشخص عايز ينشا موضوع كويس يعجب به الجميع ، شوفوا يا جماعة ياريت لو تقدروا تعدلوا المواضيع المنقوله وتكتبوا تحتها منقوله علشان ديه حقوق والحقوق ديه مش بتاعكم وانتم عارفين ده كويس ، عموماً ده بالنسبه للمواضيع المنقوله .
النقطه الثانية
بخصوص الردود شوفوا يا جماعة انتم لاحظتوا مثلي ولا لا تكرار نفس الردود في اغلب المواضيع لبعض الاشخاص مش هذكر اسمائهم ، قد نجد كثيرا يردون بفس الردود مثل " يعطيك العافيه ، يسلمو على الموضوع ، مشكور على الموضوع ، ننتظر جديدك . " مش تلاحظوا ان الردود ديه حرام والا لا طيب قولوا لي اصحاب الردود ديه ميقرؤوش الموضوع وردودهم دليل على انهم ميقرؤش الموضوع ليه بس انت سجلت ليه يا باشا ولا انتي يا اختي سجلتي ليه علشان تكون مشاركاتك كثيرة ولا علشان تفيدي وتستفيدي ، انا مثلا سجلت علشان استفيد وافيد واكيد كلكم نفس الشيء ، فيا اعضاء منتديات شاطئ الذكرى الاحباء حاولوا الا تردوا بنفس الرود وحاولوا ان تقرؤا الموضوع والفكره علشان تعرفوا تردوا كويس على الموضوع .
النقطة الثالثة
تواجدكم المستمر بالمنتدى انا مش هنكر انا لا اتواجد كثيراً لاني مشغول والله مقدرش ادخل كتير بس ححاول قدر استطاعتي ان اقدم افضل ما لدي ، شوفوا يا جماعة كتير منا مسجل في كتير من المنتديات صح بس اكيد مفيش غير منتدى واحد ليه كل الحب بالنسبه لي انا معايا منتدى ثاني ومش هذكر اسمه هتكلم معاكم بصراحه انا بحب منتدى غير منتداكم والمعذره منكم على صراحتي انا مش عايز اكذب على حد عايز اكون صريحا من البدايه الكل يحبني وعلشان مكنش كريه والمعذره على هذه الالفاظ . عموماً يا جماعة زيما قلت ليكم انتم بأيدكم القرار انتم معاكم عقل انتم الي هتضيعوا نفسكم .
"هـــــــمســـــه"
دعونا من الان عندما ننقل موضوع من منتديات اخرى نكتب في اسفل الموضوع منقول ولا ننسب الموضوع لأنفسنا ،
دعونا من الان عندما نرد على الموضوع لانرد بنفس الردود ونحاول تفهم الفكره وقراءة الموضوع مرتين او اكثر حتى نفهمه الفكره وبعدين رد رد يناسب الموضوع.
دعونا نكون متواجدين على الاقل ربع ساعه في المنتدى .
اخيراً كثرة المشاركات والمسابقه اكيد هتكونك مبدع بكل المعالي ، او مبدع يفوق الوصف ، ده انا ميهمنيش انا يهمني ان اشارك حتى مشاركه واحده برد واحد بس يكوون رد معقول يتناسق مع الموضوع .
الى هنا يا اخوان انا اسف على ازعاجكم بالموضوع ده وانا عارف انه بعض منكم مش هيرد عليه وحيدخل ويرد بنفس الردود بس هقول ايه ميقرؤش الموضوع هم احرار انا عملت الي عليا والباقي على ربنا .
وفي الأخير وليس بيننا اخير تقبلوا خالص تحياتي
منقول للفائدة
بعض السلبيات في منتدانا
![الصورة الرمزية ]["مَطِر صيَـ*ـٌفَ"][](http://www.sha6e.com/vb/avatars/81.gif?dateline=1224354582)
