البنت الناعمه و البنت الدفشة...

meriem rmkdj · 09 Aug 2008, 05:33 PM

¤"البنت الناعمة...& البنت الدفشة"¤

.....VS ....

°
¤
°

هههه الموضوع شنقول ماعدا الصور انا اضفتها عشان تعطي نكهة خاصة..مدري ليش اخترت ماروكو ههههههههه

¤°°°°°¤°°°°°¤°°°°°°¤

البنت الناعمة

طبعا هذة البنت وهى نايمة فى غرفتها الدبدوب والارنوب كلهم فى احضانها واذا

قامت من النوم ما تقوم الا الساعة وحدة الظهر واللى تقعدها من النوم الشغالة

وطبعا تكلمها بالانجليزى بترجم لكم شنو قالت لها الخدامة .. تقول قومى ما ما

وقت واجد تأخير .. والناعمة اول ما تصحى من النوم تفتح الستارة والشباك علشان

الغرفة تتنفس وشغلت موسيقى رومانسية علشان يكون الجو رايق وتاخذ حمام محترم

وبعد ما تطلع من الحمام على المراية تحط من هالكريمات والصبغ .. لازم تحافظ

على البشرة .. خلصت من المراية وتتجة الان الى الاستشوار وبعدين تلبس البنطلون

الجنز والبلوزة .. وتنزل تاكل الفطور اللى يكون عبارة عن دونت وعصير برتقال

البنت الدفشة

تقوم الساعة 8 الصبح وهى ما ودها تقوم وتدخل امها عليها بالغرفة وتصرخ عليها

قومى شبعتى نوم ترد الدفشة على امها .. زين زين الحين بقعد وتقعد تأفففففففف

ويطلع من فمها نار .. بالاضافة الى انها وهى نايمة كل دقيقة تطيح من على

السرير .. وبعدين يدخل اخوها الصغير ويصرخ وجع يالله كفاية نوم .. ترد علية :

اطلع من الغرفة والا ارميك من الشباك الحين .. المهم اخوها اللى اكبر منها

يروح لها الغرفة يرفسها وبعد تلك الرفسة العنيفة تصحى من النوم

البنت الناعمة

ما تتغدا الا الساعة 4 ولا 5 ولا تتغدى الا على عيش بيض مسلوق وسلطة تحافظ على رشاقتها

البنت الدفشة

تتغدا الساعة 12 بالضبط ولا تغدا الا كبسة ولحم او دجاج واذ خلصت تشرب البيبسى

شربة واحدة يعنى ما فى مجال انها تتنفس .. وما تسمع الا اصوات مخفية

البنت الناعمة

طلعتها تكون من بعد صلاة المغرب ما تطلع العصر تحافظ على البشرة من ضوء الشمس

البنت الدفشة

تطلع الساعة 2 القايلة تروح مشى لبيت خوالها لحد ما تنقلب سمرة

البنت الناعمة

تروح اى كافية وقبل لا تطلع تمر على الصالون تحط هذاك الميك الاب

البنت الدفشة

تحط كحل يملا العين والروج تقول

ما كلة انسان واذا بتروح تروح السوق ولا سوق الحراج

البنت الناعمة

اذا تبى تضحك تقول ( هههههههههه) ويدها على فمها من الخجل والضحكة من الصعب

انك تسمعها

البنت الدفشة

ها ها ها ها .. والحاره الثانية تسمعها

البنت الناعمة

اذا تحب تسمع اغانى ما تسمع عربى ما تسمع الا ريكى مارتن طبعا لانة حلو

وممثلها المفضل توم كروز لوسامتة وميل جبسون وجيم كارى لخفة دمهم

البنت الدفشة

ممثلها المفضل بو هلال وعبدالناصر درويش ومطربها المفضل خالد الملا ومزعل

فرحان

البنت الناعمة

لما تتفرج على التلفزيون تقعد على الكرسى وتحط رجل على رجل وتبتسم لان الابتسامة تضفى بشاشة على الوجة

البنت الدفشة

تنسدح على الارض وتحط رأسها على المخدة وتمد رجلها وتحطها على التلفزيون واذا تبى تغير القناة دقت التلفزيون باصبع رجلها وغيرت القناة

البنت الناعمة

اذا تبى تحلم احلام اليقضة طلعت فى حديقة بيتهم وقعدت على الكرسى هزاز وقام الكرسى يروح ويرجع

البنت الدفشة

تروح بالحوش وتمد السجادة اللى فيها خمسة وثلاثين لون احمر واسود وابيض وجابت كاسة ستة متر متروسة شاى

البنت الناعمة

فى نهاية هالموضوع تقولكم تشاو .. او سى يو .. او باى

البنت الدفشة

فى نهاية الموضوع تقولكم .. حياكم الله ... تأمرون على شىء

°°°°°°°¤°°°°°¤°°°°°°¤°°°°
هههههههههههاااي
طيب انا اقولكم سي يو >>مسوية ناعمة
بس الرجوع الى الاصل فضيلة ...
وش اسوي طبعي دفشة خخخخخخخخ
يلا ...
حياكم الله تامرون على شي
مع تحياتي...
MeRiEm RmKdj

][ algenral ][ · 09 Aug 2008, 06:18 PM

بعض الصفات الى فوق تنطبق علي

اولا بسم الله

نبدأ الفضايح

بس اقلبوها على ولد

اتغدا الساعة 12 بالضبط ولا اتغدا الا كبسة ولحم او دجاج واذ خلصت اشرب ديو

ها ها ها ها .. والحاره الثانية تسمعني

ومطربي المفضل خالد الملا والله اغنيه تهبل

انسدح على الارض وحط رأسي على المخدة وامد رجلي واحطها على التلفزيون واذا ابى اغير القناة دقيت التلفزيون باصبع رجلي وغيرت القناة

هذي بعض صفاتي

حولتها

مريم مشكوره على الموضوع

الرائع جدا

وتقبلي تحياتي

الوفاء طبعي

meriem rmkdj · 09 Aug 2008, 06:25 PM

هههههههههههههههههههه
عليييييييييييييييييك مواصفات يا الامبراطور
على العموم انا انا و انت و البنت الدفشة
لنا نفس المواصفات هههههههااي
مرورك اسعدني حيييييييييل
الله لا يحرمنا من طلتك الحلللوة

شبيهة القمر · 09 Aug 2008, 06:50 PM

السلام عليكم

ضيفوني لقائمة البنت الدفشة

دفوووشة و افتخر

تحياتي ميمي فقعتي بطني

دموووع** · 16 Aug 2008, 04:30 AM

لا انا مابعترف فيكم
انا نعووووووومه
خلاااص انتهت صداقتنا الفرق بينا كبير
هههههههههههههههههههههههه((تكفين بس
هههههههههههههههههههههه مريوم الله يرجك
انتي توووحفه
ومواااضيعك زيك

بس لساتني مصممه انا نعووومه بقوووه
((لا يكثر بس

سياااا بااايو
اشوفكم على خير