[ : قولولـه ٌ ، ان . صد والصـده نهائيه ، اشـو1لـي ، اصـد لا واللـه وش اشو1لي ]

الإمل بعيوٍني · 08 Jul 2008, 12:17 صباحاُ

بيـني وبيـن الشـقـا سـلام رديـه
يـفـتـل جـروحـه وانـا انقضها بموالي
عيـدبي الهم واثر الدمـع عيديه
ولاني بذاخره دام عيوني عيالي
ياعين هلي دموعك كل عصريه
وان لمتك فيوم ، قولي مالك ومالي
محتـاج طاروق لـه معنـى وقافيه
واستبشري خير والشعر يتهيالي
القـدح من فـكري وفـ الراس جنيه
وان حضرتبي كتبت العالي العالي
ماشلتها عرضه ولا هي هجينيه
غنيتها مدري الطاروق غنالي
بس الوكآد انها قصة غراميه
ابطالها همي وغـمي وغربالي
وان قالو الناس ذا طبع الهواويه
قلت استوى عندي الترياق والحالي
العشق بلوي ونفسي فيـه مبليه
خلوني اكتب وافضفض لاتفضالي
المساله اكبر من احلام ورديه
الحزن لامن لفى جيته على فالي
حزني واعرفه واعرف ابسط مواريه
ولاني لحالي كثير اللي عرف حالي
ياوجد حالي وجود اللي هقاويه
خانته باغلى رفيق ولا لقى والي
وياوجد حالي وجود اللي بناخيه
عن عسر حاله وضيقه داله وسالي
في غيبت اللي تمادى بالانانيه
وخلاني بوجه حزني واقف لحالي
ياموسع الضيق لامن مر طاريه
كن الوسيعه تضيق ان مر في بالي
وين انت ياللي بعادك مثرن فيه
غايب واحسك معي واشوفك قبالي
طيفك الليا مر حآجه لا اراديه
اتبع سرابه واجيه اسابق ظلالي
ياللي من حروفك تغار الرومنسيه
والله قبل لا افقدك فاقدك جوالي
في بحتك شي يشبه حزن مرثيه
ومن غاب صوتك . ! وانا اللي صدق يرثالي
وعيونك السود اعجـاز وخياليه
نادر شبهها مثل ما تندر خصالي
ونضرتك تهدم كياني بكل عفويه
سلهم ؟ وش كيف يبدى في زلزالي
وعودك الليا مال يالمترف بحنيه
قمت اتعزوا واطوح لجله عقالي
وقلبي على ضمتك يسابق يديه
ويردني طيب ابوي ومرجلة خالي
تكفوون ياللي تمرونه على نيه
قولوله الموت لامن غاب يبرالي
وقولوله ان غيبته ماهيب عاديه
وخلوه يرجع يشوف بعينه احوالي
وقولوله انه ذبحني لعن ابو حيه
مايرحم الشوق غالي ينتضر غالي
وقولوله ان صد والصده نهائيه
اشوالي اصد ، لا والله وش اشوالي
حيل الله اقوى عساها روحه بجيه
وعساه مايبطي ويرجع ويسعالي
وقولوله الله حسيبه كان له نيه
ماعاد يررجع ، وقولوله التالي
حر1م كلي ضما ويديه وسميه
وحرام مالي امل مدامها مالي

لشــ1عر المبـدع / محمد جارالله السهلي
انشاء الله تعجبكم مثل ما اعجبتني

]["مَطِر صيَـ*ـٌفَ"][ · 10 Jul 2008, 10:35 صباحاُ

::

::

اقتباس:

بس الوكآد انها قصة غراميه
ابطالها همي وغـمي وغربالي
وان قالو الناس ذا طبع الهواويه
قلت استوى عندي الترياق والحالي
العشق بلوي ونفسي فيـه مبليه
خلوني اكتب وافضفض لاتفضالي

العشق فصول .. خريفهـآ مؤلم حد الوجع..!!

,,

الأمـل بـ عيوني

صح لسسسـآنك .. ,

وتسسلم يمنـآك ويسسلم ذوقكـ ..

الإمل بعيوٍني · 15 Jul 2008, 11:04 صباحاُ

بـنـت فلـه ُ
كـم هـو رائـع مـرورك كـ^ المـطرر ^
اللـه لا يحرمنـا مـرورك ُ ،
ودمـتِ بخيرر

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)