كذا يعني .. كذا فجأه .. تغير كل ( شيً ) فات
كذا زالت مواثيق الغلا و( الحب ) من ذاتك !!
كذا كنتي .. كذا صرتي .. كذا خيبتي ( الهقـوات )
كذا .. ( والا ) كذا .. ضيعتي دروبي وخطواتي !!
انا مل الامل فيني .. (يدور ) للشفــاه أصوات
عجز صوتي ينادي لك .. قضى قلبي من سواتك !!
نصيتك ( نصيتك ) والوفا زادي ..رحلتي والقلوب أشتات
مصايب والرجا خايب .. تقود ( خطاك ) رغباتك !!
( كبيره) طعنتك هذي .. تعودتي على الطعنات
غريبه حيل ذا المره .. ولاهي مثل ( طعناتك !! )
سألتك بالذي خلى ( عيونك ) تذرف الدمعات
تكف ( الدمع ) لاتجني على خديك دمعاتك !!
انا ما قد خبرت اني تعمدت اجرحك ( بالذات )
وانا ماهمني ( غيرك ) اعيش من اجل مرضاتك !!
سرقتك بالزمن (لحظه ) وعشتك بالفراق ( اوقات )
ولا ادري وش بقى لي بالعمر من ( دون ) لحظاتك !!
أحبك .. رحت ادور في ( قواميس ) البشر كلمات
( عجزت ) القى حروفٍ تستريح بصدر كلماتك !!
أحبك .. يا ندى فجر الجروح ( وصحوة ) العبــرات
أحبك .. كلمـةٍ ( تبكـي) معـانيها على شفـاتك !!
تظنين الوفا كلمه عجب واصل ( الوفـا ) وقفـات
صغيـر (الشي) في ظنك يصير اكبر معاناتك !!
تردين الخطا يمي .. تزيدين (الألم ) شرهــات
وانا صمت ( الشقا ) فيني حكى من كثر شرهاتك !!
توالت كلها فجأه .. تعاظم بالحشا ( صدمات )
يجي يوم وتواري ( شمسنا ) من ليل صدماتك !!
(ذكرتك) .. والدروب اللي تعانق خطوتك بالسكات
وانا مازلت (اسافر ) بين نظراتك وضحكاتك !!
ذكرتك .. وانطفى جمر الكلام وذابت (الشمعــات )
سهرتك واستفزيت ( النجوم) بليل خصلاتك !!
تعالي .. واذرفي دمعك على ( قلبٍ ) كثيره مات
تعالي .. واخذي ( الباقي ) يفيد لوقت عزواتك !!
تعالي .. لاتخلين السنين المقبله (تقتـات )
من افراحي و( لحظاتي ) وطرباتي .. وسبحاتك !!
تعالي ..وواعديني .. لاشقا .. (لاكذب) .. لاغلطات
ترى ما (للصبر ) بقي على كذبــاتك ...وغلطاتك
تغيرتي !! ولا ادري وش جرى .. وش ( غيـر) النيّات
سألتك واعتكف ( برد ) الجواب فـ معطف آهاتك !!
تقولين انت في راحه .. واقول من ( القهر ) هيهات
أنا لا ( جـيت ) للراحـه .. تطـاردني مسـافـاتك !!
//
راقــت لي ,,,
.[ خجل العذاري ].
نصيتك ( والوفا ) زادي .. رحلتي والقلوب اشتاتـ ..!
