لو غاب عن عيني جذبته ... ذكريات ..


وسولفت له عن كل مابي من ... شتات ..


ومن الغلا في وحدتي قمت أرفعه


ثم أرفعه ..


حتى حدود الغيم ...


حتى ينثر بجدبي مطر ...


ويمد لي صوته حكي ...


بريحة أنفاس الزهر ...


ما... أروعه . ما.. أروعه...


واذا لسعني بالنظر ...


شفت العيون اللي بها الدمعه ..عطر


واذا بخيالي هو تبعثر ...


قمت من وجدي أغني .. و .. أجمعه .."

!!!

اليوم أشعل في وجودي من أكون ..


قلت .. أسمعه ..


كني سمعت الصوت حمى بداخلي ...


كني بهذا اليوم غادرت أجملي ...


يا هاجسي ... كيف أتبعه ..!


مادام قلبي مو .. معه ..


و....


ياهاجسي قل لي متى ننهي تعب هذا الغروب

حتى متى وانته وانا نشرب عذاب الأسئله

قل لي ترى لي خطوه وأجهل كثير من الدروب

ليش الطريق اللي بدينا انتهينا بأوله



وأنا معه ...!


أضحك على حلمي كثير ...


وأقول مابه حب بالدنيا يسمى .. مستطير ..


هم علموني كيف أكون الشاعر العذب المثير ...


لكنهم .. ماعلموني ...كيف ......


كيف أبتكر مني وجود ... " المستـتر " من الضمير


وماأبدعه ...


و....


ياهاجسي مل البحر والناس تشعلني ذنوب

أحيان أشوف اني هنا واحيان نفسي مهمله

ياهاجسي ذي توبتي .. والله إني ما أتوب

مادام نفسي تشتعل بوح وهمومي مُثقَلَه


في هالمساء ...


شبيت في صدري حطب ...


حتى استوت كل الحنايا ...


وضاقت الدنيا بـ سعه ..


سألت ... وش معنى الحصاد ..


وهذا الثمر في هالصدر اللي استوى ....


من يجمعه ....


جاوبت نفسي بالبكاء ... ورجعت للدنيا وراء ...


ذكرت يوم إمي تشب النار ...


وتعجن في وجودي ... معمعه .


تخبز لنا طول النوى .. ونشرب عذاب .. الملهمه ..


وهذا الجنون اللي كبر ...


روحه تنازع أضلعه ...


فجأه نهضت من المكان ...


وكان المكان .... خالي من العالم ..


ولابه غير صوتي والرياح اللي تزمجر فـ الحنايا ..


وصوت باقي من ... مدى ..


وبالصدى أسترجعه ..


و...


ياهاجسي شوف الوجه كله متاهات وشحوب

هذا الهوى يفعل بنا اقسى عذابات الوله

مادامت " الدنيا " بنا تلعب شمال ٍ مع جنوب

يموت شاعر ينتهي ويموت مثل السنبله






ورحل ... بتساؤل :-


من كسر المحارة وتملق صَدفتي .........!


وهرب يكرر بلهجته الشعبية :-


الهرووووووووووب ....


لاغدا في الكون واحد ...


يمشي بنصف الحقيقه ....


ونصفه الثاني ذنوب .


الهروووووووووووووب ....


لاغدا فـ الكون ظلماء ...


أو ملامح وجه في حالة شحوب .


الهروووووووووووب ...


لاغدت كل المشاعر في .... غروب


!!!